Summer Strike - 1

아무것도 하고 싶지 않아
I Don't Want To Do Anything

တစ်ချို့အချိန်တွေမှာ
တစ်နေရာရာကို ထွက်ပြေးနေမိတယ်
အားကုန်ပြေးနေပေမယ့် ရယ်စရာကောင်းတာက
ဘယ်ကိုသွားရမှန်း မသိတာပါပဲ

ဒီတစ်ခါတော့ ကျောင်းကိုသွားရမယ့်ပုံပဲ
ကျောင်းခန်းနဲ့ နီးလာတာနဲ့အမျှ ငါ ပိုပြီး
သေသေချာချာ နားလည်လာတယ်
ခါတိုင်းလိုပဲ တံခါးပိတ်ထားလိမ့်မယ်ဆိုတာကိုပေါ့ ယောက်ျားလေးတွေ တပ်ထဲပြန်ရောက်နေတဲ့
အိပ်မက်လိုမျိုးနဲ့ ဆင်နေမလားပဲ အိပ်မက်ထဲမှာ အားကုန်ပြေးပြီး ရောက်ခဲ့တဲ့နေရာတွေက ကျောင်းရော အလုပ်ရော ကောလိပ်ဝင်ခွင့် စာမေးပွဲနေရာရော ဖြစ်နေတတ်ပါတယ် နေရာတွေ မတူပေမယ့် အမြဲတမ်းတစ်ပုံစံတည်း အဆုံးသတ်သွားပါတယ် ပိတ်ထားတဲ့ တံခါးရှေ့မှာ ကျွန်မတစ်ယောက်တည်း
မတ်တပ်ရပ်နေရတာပါပဲ

အမေက နောက်ဆုံးထိ အနားမယူခဲ့ရပါဘူး
ဒီလိုနဲ့ပဲ လူတိုင်းထွက်သွားကြတာပဲ
အမေလည်း အဖေနဲ့ပြန်တွေ့နေရောပေါ့
အမေလည်း အခုလောက်ဆို
အဖေ့ကို ဆူနေလောက်ရောပေါ့
အဲဒီလိုဖြစ်နေရင် ကောင်းမှာပဲ

ကျွန်မ အလုပ်သွားရတယ်
ပြီးရင် အိမ်ပြန်လာတယ် အလုပ်သွားတယ်
အိမ်ကိုပဲ ပြန်လာတယ် အလုပ်သွားတယ်
အိမ်ပြန်တယ် အလုပ်ပဲသွားတယ်
အခုထိ အသက်ရှင်နေသေးပေမဲ့ မသေရုံတမယ်ပါပဲ
ဘာမှမပြောင်းလဲသွားပါဘူး
ဘာမှလည်း မဖြစ်ပျက်ခဲ့ပါဘူး
နေ့တိုင်း နေဝင်သွားပြီးရင် ပြန်ထွက်လာတာပဲ
ကမ္ဘာကြီးက လုံးဝမပြောင်းလဲသေးပါဘူး
ဒါပေမဲ့ ကျွန်မကတော့ မိဘမဲ့ဖြစ်သွားပြီ

ကျွန်မ အလုပ်မသွားတော့ဘူး
ကြားရက်မနက်တိုင်း
ဆိုးလ်ကနေ ထွက်ခွာတဲ့ရထားက
အရမ်းတိတ်ဆိတ်ပြီး အေးချမ်းပါတယ်
တခြားကမ္ဘာတစ်ခုကို
ပို့ဆောင်ပေးနေသလိုတောင် ခံစားရပါတယ်
ဘဝဆိုတာကလည်း ဒီလိုဖြစ်မလားပဲ
သူများတွေနဲ့ ဆန့်ကျင်ဘက်ကို ဦးတည်သွားလိုက်ရင် လူမများဘဲ ပိုတိတ်ဆိတ်ပြီး အေးချမ်းမယ်ထင်တယ်

ဒီအတောအတွင်း ငါက တုံးအပြီးနေခဲ့တယ် နောက်ကျကျန်မနေခဲ့အောင်
အပြစ်ရှာလို့မရအောင် သေလောက်အောင်
ကြိုးစားနေခဲ့တယ်
ဒါပေမဲ့ အခုပြန်ကြည့်လိုက်တော့
ငါ့ကို အပြင်းအထန် အပြစ်ရှာခဲ့တဲ့သူက
ငါဖြစ်နေတာပဲ

လစာက ၂,၃၈ဝ,ဝဝဝ
ဒီအတောအတွင်း
ငါ့အချိန်တွေနဲ့ လဲလှယ်ခဲ့တဲ့လစာတွေပဲ
အခုငါ အဲ့အချိန်တွေကို ငါ့အတွက်ငါပဲသုံးတော့မယ်

အခုကစပြီးဘာမှမလုပ်တော့ဘူး
ဘဝဆိုတာကို သပိတ်မှောက်ပြီ