Yonder: 욘더

Yonder: 욘더
လူသားတွေယုံကြည်နေတဲ့ ကောင်းကင်ဘုံဆိုတာ တစ်ကယ်ပဲ ဘယ်မှာရှိတာများလဲ?

ကမ္ဘာကြီးပူနွေးလာမှုကိုရင်ဆိုင်နေရတဲ့ ပြဿနာကြောင့် သိပ္ပံပညာရှင်တွေဟာ အင်္ဂါဂြိုဟ်မှာ
ကမ္ဘာသစ်တစ်ခုတည်ဆောက်နေကြတယ်
အဲဒီလိုသာဆို ကမ္ဘာအသစ်က သေချာပေါက်
အင်္ဂါဂြိုဟ်မှာပဲရှိရမယ်လို့ပြောတာလား
ကျွန်တော်တို့ သေဆုံးပြီးတဲ့နောက်မှာ အနာဂတ်ကိုလည်းမျှော်လင့်ထားလို့ရပြီး အံ့ဖွယ်လို့ထင်တဲ့နေရာတစ်ခုက  တကယ်ရှိနေတယ်ဆိုရင်ရော..?

2032 ခုနှစ်ကို ဇာတ်အိမ်တည်ထားပြီး သမီးနဲ့ယောကျာ်းကို ဆုံးရှုံးခဲ့ရတဲ့ သိပ္ပံပညာရှင်တစ်ယောက်က ‘ယွန်းဒေါ’လို့ခေါ်တဲ့ ကောင်းကင်ဘုံကို ဖန်တီးခဲ့ပါတယ်
လူသားတွေရဲ့မှတ်ဉာဏ်တွေကို အသုံးချပြီး
သေပြီးသွားတာတောင်မှ ယွန်းဒေါလိုနေရာမျိုးမှာ ချစ်ရတဲ့လူတွေနဲ့ ထပ်ပြီးတွေ့နိုင်တယ်
ဒါပေမဲ့ ယွန်းဒေါလိုနေရာမှာ ချစ်ရတဲ့သူနဲ့ထပ်ပြီးနေနိုင်ဖို့ တစ်ခုတည်းသောနည်းလမ်းက လက်ရှိနေနေတဲ့ လောကကြီးကနေ ထွက်လာရမှာပါပဲ
ဒါကြောင့် လူတွေက ချစ်တဲ့သူတွေနဲ့ ထပ်ပြီးတွေ့နိုင်ဖို့ ဆိုပြီး ကိုယ့်ကိုကိုယ် အဆုံးစီရင်မှုတွေ များပြားလာပါတယ်..

စိတ်ကူးယဉ် သဘာဝလွန်ဇာတ်ကားကိုမှ ဆွေးဆွေးလေးနဲ မိနစ် 30စာ အပိုင်း ၆ပိုင်း ရှိပါတယ်
ဇာတ်လမ်းက သိပ်အရှည်ကြီးမဟုတ်လို့ ကြည့်ပျော်ရှုပျော်ပါတယ်

ကျွန်မမရှိတော့ဘူးဆိုတာက ကျွန်မဖြစ်တည်မှု
မရှိတော့ဘူးလို့ ဆိုလိုတာမဟုတ်ဘူး
ရှင့်ဆီမှာ ကျွန်မမရှိတော့ဘူးဆိုတဲ့ အဓိပ္ပာယ်ပဲ
အဲ့ဒါက ကျွန်မကို ဝမ်းနည်းစေတယ် ..”

ပျောက်သွားတာကို မမေ့နိုင်ဘူးဆိုရင် ဘယ်တုန်းကမှ မဆုံးရှုံးဖူးလို့ပဲ..”

တစ်ခုခုကို မေ့သွားတာက
အစကတည်းက မေ့ချင်တဲ့အရာမလို့ပါ..”

ဘယ်လောက်ပဲ ကြိုးစားပါစေ မမေ့နိုင်ဘူးဆိုရင် ဘယ်လိုပဲဖြစ်ဖြစ် မဆုံးရှုံးချင်တဲ့ အရာမလို့တဲ့..”

တစ်ခုခုကို လွမ်းနေတယ်လို့ ခံစားရရင် လွမ်းနေတာပဲဝမ်းနည်းသလိုခံစားရရင် ဝမ်းနည်းတာပဲပေါ့..”

ကိုယ်က မင်းကိုလုံးဝမေ့သွားခဲ့ရင် ဘယ်လိုလုပ်မလဲ
အဆင်ပြေပါတယ်
ကျွန်မက မှတ်မိနေတာမို့လို့..”

ယွန်းဒေါက ကျွန်မရှိနေတဲ့ ရှင်မရှိတဲ့နေရာ..”

ဒီမှာဖြတ်သန်းနေကြတဲ့သူတွေက
အချိန်ကို သတိမမူဘဲ နေကြတာပါ
အချိန်ကိုဂရုပြုနေမယ်ဆိုရင်
သေဆုံးမှာကို ကြောက်နေရတာမလို့လေ..”

သေခြင်းတရားကစိမ်းသက်ပြီး နေရခက်ပြီး
အဆင်မပြေဘူး ငါတို့ရဲ့ရှေ့မှာအားလုံးရှိနေပေမယ့် တစ်ဖက်ကကြည့်မယ်ဆိုရင် ဘာမှမရှိပါဘူး

အချိန်က အဖိုးတန်နေတယ်ဆိုတာ
ပြီးခဲ့တာတွေကို မေ့နိုင်လို့ပဲ..”

ဘယ်သူပဲဖြစ်ဖြစ် ကိုယ်ကိုယ်တိုင် အားနဲ့မပိတ်နိုင်တဲ့
တံခါးတစ်ခုရှိတယ်တဲ့ တစ်ချိန်ချိန်မှာတော့
အဲ့တံခါးကိုပိတ်ပေးမယ့်သူ ရောက်လာမှာပါ..”

လှပတဲ့အမှတ်တရတွေ တန်ဖိုးရှိနေရတာက
အဲ့ဒီအခိုက်အတန့်တွေက
ထပ်ပြီးရောက်မလာနိုင်တော့တာကြောင့်ပါ..”