My Liberation Notes - 7

မင်း ငါက ဘယ်လိုလူမျိုးလဲသိသွားရင် လန့်သွားလိမ့်မယ်
သိလား?
ငါက တကယ်ကြောက်ဖို့ကောင်းတဲ့ကောင်ပဲ
ဗိုက်ကို ဓားထိုးခံရရင်တောင် မျက်တောင်တစ်ချက်မခတ်ဘူး
ဒါပေမယ့် မင်းကငါ့ကိုကြောက်အောင်လုပ်နိုင်တယ်
မင်း မျက်စိရှေ့မှာရှိနေရင် စိတ်လှုပ်ရှားတယ်
အရူးနဲ့တူလို့ စိတ်ပျက်တယ်
စိတ်ပျက်ပေမယ့် စောင့်နေတုန်းပဲ
သိသင့်တယ်လို့ ယွန်းမီဂျောင်
မင်းကိုယ့်ကိုယ်ကို သိသင့်တယ်

“ငါ အဲ့စကားကို နားမလည်ဘူး..
နှလုံးတွေ အခုန်မြန်လာတဲ့အထိ
သဘောကျတယ် ဆိုတာကို..
အဲ့လောက်ထိ အများကြီး သဘောမကျဖူးဘူးဆိုတဲ့
အဓိပ္ပာယ်မျိုးတော့ မဟုတ်ပါဘူး..
အများကြီး သဘောကျဖူးတယ်ဆိုတာမျိုးလည်း
မဟုတ်ပေမဲ့လေ..

ငါနှလုံးခုန်မြန်လာတဲ့ အချိန်တိုင်းက
မကောင်းတာ တစ်ခုခု ဖြစ်နေတဲ့ အချိန်တွေပဲ..

အရှက်ခွဲခံရတဲ့အခါ ဒေါသထွက်တဲ့အခါ
မီတာ ၁၀၀ ကို မပြေးခင်အချိန် ..
အားလုံးက မကောင်းတဲ့အချိန်တွေပဲ..
တစ်ခါလေးတောင်မှ သဘောကျလွန်းလို့
နှလုံးအခုန်မြန်လာတယ်ဆိုတာမျိုး မရှိဖူးဘူး..

တကယ်သဘောကျတဲ့အချိန်ကျ
ဆန့်ကျင်ဘက်အနေနဲ့ နှလုံးသားက
နှေးနှေးလေး ခုန်နေတယ်လို့ ခံစားရတယ်..
စိတ်ကို လျှော့လိုက်ရသလိုမျိုးပဲ..
ပထမဆုံးအနေနဲ့ နှလုံးသားက ရင်တုန်ပြီး
စိတ်မလှုပ်ရှားတော့တဲ့ ခံစားချက်မျိုး.. "

ငါက အသက်ရှူနေတာပြီးတော့
အများဆုံးလုပ်တဲ့အရာက နာရီကို ကြည့်နေတာပဲ
တစ်ခုခု ဖြစ်တာနဲ့ နာရီကို ကြည့်နေရော ဆက်တိုက်
‘အချိန်ကအဲ့လောက်တောင် ဖြစ်သွားပြီလား’
အဲ့လိုလုပ်ပြီးတော့ တစ်နေ့လုံးကြည့်နေတယ်

တစ်နေ့မှာ၂၄နာရီလုံး
အလုပ်လာတယ် အလုပ်ဆင်းတယ်
စားတယ် အိပ်တယ် အကုန်အတူတူပဲ
နာရီကို ဘာလို့ ဆက်တိုက် ကြည့်နေမိတာပါလိမ့်

တစ်နေ့တာကို ကောင်းကောင်းနေထိုင်ရမယ်ဆိုတဲ့
စိတ်ကတော့ ရှိပေမယ့်
သေချာလေး လုပ်ခဲ့တာတော့ မရှိဘူး

ဆက်တိုက် နာရီကိုပဲ ကြည့်နေပြီးတော့
ဆက်တိုက် အချိန်နောက်ကို လိုက်ခဲ့တာ
ငါက တစ်သက်လုံး အဲ့လိုပဲလုပ်နေခဲ့တာကို
သတိထားမိမိချင်း ထူးထူးဆန်းဆန်း
ချက်ချင်းပဲ နှလုံးက ဒုတ်..ဒုတ်..ဒုတ်
ဖြစ်သွားတော့တာပဲ
အဲ့မတိုင်ခင် နှလုံးက ဒုတ်ဒုတ်ဒုတ်ဒုတ်ဒုတ်..
ဒါကို သတိထားမိဖို့က
နှစ်၅ဝတောင် ကြာခဲ့တယ်ဆိုတာကအရမ်းကိုပဲ

အချိန်ထဲကနေ
လုံးဝကို လွတ်မြောက်ဖို့ မဖြစ်နိုင်ပေမယ့်
လုပ်သင့်သလောက် လုပ်ပြီးရင် နားလိုက်ပြီးတော့
အိပ်သင့်သလောက် အိပ်ပြီးရင် ထလာပြီးတော့
အဲ့လိုမျိုး ငါနည်းလမ်းအတိုင်း ရှာပြီး သွားတာက
ငါ့အတွက် အလိုအပ်ဆုံး လွတ်မြောက်ခြင်း
မဟုတ်ဘူးလားဆိုပြီး
အဲဒါကြောင့် ငါ့ရှာဖွေမှုအတိုင်းဆိုပြီး
သတ်မှတ်ခဲ့ပါတယ်